tg-me.com/alkalm313/24239
Last Update:
حجاب زينب عليها السلام
اني زينب
جيت وي اهلي وعزوتي لنصره الدين
اني زينب
انطيتهم كلهم ذبايح حته الحسين
========
والعبايه
والعبايه
ابد ما طاحت عباتي بحرك الخيام
بيه هيبه فاطمه ياعز الايام
هيه التمثل عقيده اليدري يحتام
اني زينب
اني زينب
راس عباس برمح يدمعلي العين
انطيتهم كلهم ذبايح حته الحسين
✍🏻طالبه الزهراء
===========
مايهمني
مايهمني
صح عشت حالات صعبه بكل مصابي
شفت اخوتي امطرحه وزيّد عذابي
بس مهم عندي اكون بعز حجابي
انه زينب
انه زينب
بهاي اريد اعلن نصيحه للنساوين
انطيتهم كلهم ذبايح حتى الحسين
✍☘ام فراس الساعدي ☘
===========
انطيتهم
انطيتهم
فدوه للاسلام كل اهلي وبنيني
وبقه انه الشامخه أبأسمي وسنيني
والي تاريخ الأسجل كل أنيني
اني زينب
اني زينب
انه عاشرت الخرابه افراشي الطين
انطيتهم كلهم ذبايح حتى الحسين
ا✍🏻ام زين العابدين لمحمداويه
==========
للعقيده
للعقيده
هذا منهجنه وربينه بحضن لچمات
اشكد مصايب مرن شكد المصيبات
يبقه منبعنه الوحي سيد الرسالات
اني زينب
اني زينب
مايهزني الصار من امصايب البين
انطيتهم كلهم ذبايح حتى الحسين
✍🏻ام رحمه الگاظميه
===========
لجل ديني
لجل ديني
قدمت قربان للباري وشـــــــكرته
راعي خدري عالنهر مطروح عفته
منهج العفه بطفوفي اني رسمته
اني زينب
اني زينب
الشرف آياته ترتلها السنين
✍️نبضي حسين
===========
هالرساله
هالرساله
ارد وصل هالرساله واوصف الحال
درس اخذت من عباتي كل الاجيال
يبقه عنواني الصبر وي كوم الانذال
اني زينب
اني زينب
يشهد التاريخ عني يا مسلمين
انطيتهم كلهم ذبايح حتى الحسين
✍🏻 ام زينب الأسدي
==========
تمت بعون الله بقلام شاعرات رابطة الحسن المضلوم عليه السلام
https://www.tg-me.com/vn/منتدى القلم الفاطمي لشاعرات أهل البيت ع /com.alkalm313
BY منتدى القلم الفاطمي لشاعرات أهل البيت (ع)
Share with your friend now:
tg-me.com/alkalm313/24239